2021年度HKSONG流行榜頒獎典禮

2021年度HKSONG流行榜頒獎典禮

頒獎日期:2022年2月6日 (星期日、年初六)
頒發獎項數目:37
頒發獎項:
1個年度至尊金曲(最高分歌曲)、
9個年度金曲獎(第二高至第十高分歌曲)、
3個最佳男歌手、
3個最佳女歌手、
3個最佳組合、
1個最佳唱作人、
3個最佳男新人、
1個最佳女新人、
1個最佳新組合、
2個最佳唱片、
3個滄海遺珠歌曲獎、
3個我最喜愛的歌曲、
1個我最喜愛的男歌手、
1個我最喜愛的女歌手、
1個我最喜愛的組合及
1個我最喜愛的合唱歌曲
計算月份/週次 (回合):1至12月, 第1至52週

註解:

1. 曾奪冠軍之歌曲只於「冠軍歌曲」列出,不再於「上榜歌曲」列出

2. 圖片來源:歌手相關MV截圖、大叔的愛截圖、網上圖片、pikisuperstar/Freepik (背景)


滄海遺珠歌曲獎:

喺投票期都見到有樂迷問點解投票候選名單冇某位歌手或者某首歌揀。令呢啲朋友失望首先要講聲唔好意思。由於本榜2021年剛恢復報榜後仍只有15個位,未必所有榜主聽過嘅歌都能一一上榜或者符合候選投票準則。可幸嘅係2021年香港樂壇重生,舊年年中排榜時越黎越發覺得15個位唔夠,所以當時就決定左由今年開始增加至20個位置,希望呢個改動能夠讓更多歌手歌曲有機會上榜啦!而即將會頒發嘅「滄海遺珠歌曲獎」,呢個獎項正正係2016年本榜改名為HKSONG流行榜同改革為15個位置之後增設,係俾一啲榜主幾鍾意,但差少少先上到榜嘅歌,又或者派台後比較耐時間先發現幾襟聽嘅歌,因為時機過咗佢地就無機會上榜喇。一如以往,呢個獎都由最後五強中選出三首歌得獎。

最後五強: Serrini - I'm Fine, Thx.
The Hertz - 千世書
林欣彤 - 不如憎你
周國賢、ToNick - 時間的初衷
岑寧兒 - 風的形狀

你年輕時會唔會有一啲比人叻但又無乜用嘅天賦?你有無繼續發揮呢方面嘅專長,定隨著自己成長踏入社會已經忘記左自己有呢種天賦呢?
滄海遺珠歌曲獎(1):時間的初衷 – 周國賢、ToNick

呢一兩年好多人決定離開香港呢個家,冇人知去到第二個地方之後生活係咪一定好啲,但相信落得呢個決定一定唔容易,其他人無謂作出評論。是對是錯,就由時間來證明。
滄海遺珠歌曲獎(2):風的形狀 – 岑寧兒

不能懷念愛惜 不如懷恨更激 恨人亦要花氣力
滄海遺珠歌曲獎(3):不如憎你 – 林欣彤


今年男新人成績非常出眾,競爭激烈,情形前所未見,但女新人同新組合亦有付出努力,所以今年新人獎分為3個男新人獎、1個女新人獎同1個新組合獎。

最佳女新人及新組合獎:

呢位女新人去到年尾先正式出道派第一首歌。歌曲題材比較符合佢年齡,亦冇造作嘅唱腔,再加上上腦嘅副歌,呢首出道作成功令佢喺2021年最後兩星期超越其他女新人,為佢帶來第一個獎。
最佳女新人:姚焯菲 得分 - 36.00

佢地雖然年初較早時間已經出道,但出道後路途唔算順暢,坊間亦有批評聲音,不過之後有師傅好帶挈,令多左人認識佢地。希望佢地不介意之前失意又跌左幾次,輸左幾次,因為呢啲經歷會幫佢地嘅睿智升多幾次,又會再長一隻牙齒!(咦?) 哈,首歌聽多幾次其實唔差,會跟住一齊唱架!希望2022年佢地會搵到定位,俾到驚喜大家啦!
最佳新組合:P1X3L 得分 - 36.00


由於男新人成績實在太好,好到有年度十大,所以頒男新人之前我地先頒左年度十大歌曲先啦!

年度歌曲獎:

第10位: 面對親愛嘅人嘅離去,無需故作堅強,負面情緒係需要抒發出來,否則越累積只會越造成更多傷害。哭也有價值,哀傷是為了之後的釋懷。呢首歌嘅歌詞真係寫得好好。
年度歌曲獎 第十位:It’s OK To Be Sad – 衛蘭  (收錄在《It’s OK To Be Sad》) 得分 - 79.00

第9位: 香港是否已經回不去從前的美好時光?

年度歌曲獎 第九位:先哭為敬 – 鄭欣宜  (收錄在《Joyce To The World》) 得分 - 81.00

第8位: 今年佢嘅吸血鬼三部曲大成功!而佢喺MV嘅吸血鬼造型亦非常有型啊!

年度歌曲獎 第八位:思念即地獄 – 馮允謙 (收錄在《LIFE / LINE》) 得分 - 84.00

第7位: 另一首關於離別嘅歌。離家固然不易,選擇留下的,也是一種冒險,更多人更是無從選擇,只有留下。但無論身在哪方,相信大家都有共同信念,期待終有一天會再相見。
年度歌曲獎 第七位:留下來的人 – C AllStar (收錄在《人類世》) 得分 - 85.00

第6位: 直到而家,我都唔知嗰一日做嘅野係啱定錯,表面上好似無乜改變,但實際呢?如果可以回到過去,我可能都會做返同樣嘅野…
年度歌曲獎 第六位:時光倒流一句話 – 林家謙 (收錄在《seven》) 得分 - 86.00

第5位: 我地身處呢個地方正崩壞,幸好尚有廣東歌,香港樂壇今年多返好多人留意,甚至揚威海外,在此向各位台前幕後嘅音樂人致敬!
年度歌曲獎 第五位:我心中尚未崩壞的部分 – 黃妍 (收錄在《九道痕跡》) 得分 - 88.00

第4位: 咦又話男新人有十大,頒左咁耐到而家都未有嘅?而家出現喇!出道作就踩到自己一文不值,只值一片塵!聽到都鄧你慘…
年度歌曲獎 第四位:我不如 – 曾比特 得分 - 91.00

第3位: 陪伴我20年嘅貓貓2021年離開左我,當日好彩我趕得切返屋企陪佢度過生命最後嘅30分鐘。第二朝返工搭車時喺facebook寫感受,邊寫邊喊,最後我選擇用呢首歌嘅歌詞來作結。希望Money你在另一個世界過得安好 :’)
年度歌曲獎 第三位:Dear My Friend, – 姜濤  得分 - 92.00

第2位: 其實唔只一位男新人有十大,黎到十大第二位都係新人奪得,更加平左本榜2008年度第一屆頒獎禮紀錄!當年G.E.M. 嘅Where Did U Go都係勇奪十大第二位!呢首歌一推出時我已經好鍾意,仲好希望佢會同作曲人一齊合唱,點知真係成真左,不過係唱英文版。唔知有無機會見到佢地合唱中文版呢?
年度歌曲獎 第二位:反對無效 – MC張天賦 (收錄在《Have A Good Time》) 得分 - 93.00


年度至尊金曲獎:

黎到第1位,即係年度至尊金曲!呢首歌同時橫掃各大音樂平台全年冠軍,我真係到而家都listen every day and night!因為我拎黎做埋電話鈴聲喇。
年度 至尊金曲:E先生連環不幸事件 – 呂爵安 得分 - 99.00

 


嘩嘩嘩!今年破天荒成3個新人拎十大,Edan仲拎埋至尊歌,破埋2008年G.E.M.紀錄! 3個男新人獎都無乜懸念喇,但金銀銅獎又花落誰家呢?

最佳男新人獎:

銅獎:相信結果都唔難估喇。不過呢位歌手最近出嘅兩首歌評價都麻麻地,連YouTube都群情洶湧,會唔會試下搵唔同班底,造一啲更適合自己發揮潛力嘅歌呢?大家都替佢擔心著急了…
最佳男新人 銅獎:曾比特 得分 - 149.00

銀獎:我當初認識呢位新人應該係緣自2020年ViuTV星期日晚嘅一個廣告節目,黎到2021年先知佢係一位全能藝人!Solo、團歌、合唱歌、綜藝、電視劇、各大商戶廣告、商場、港鐵站、巴士站……真係周圍都連環見到佢嘅蹤影!有時都會諗,大家一日都係得24小時,佢點做到咁多野?當然知道佢犧牲左好多訓覺時間,鏡頭前都見到佢嘅黑眼圈。新一年佢會唔會聚焦某啲範疇集中發展呢?努力之餘唔好忘記身體健康都好重要啊!最後想多謝佢呢一年帶左好多歡樂俾我!
最佳男新人 銀獎:呂爵安 得分 - 225.00

金獎:佢同Edan一樣今年氣勢如虹,兩位全年都鬥得難分難解,要去到最後幾星期佢嘅榜分先跑出,但其實兩位我都係咁鍾意架~~金獎嘅佢唱功真係好了得,而出道到而家嘅每首派台歌更全部勇奪本榜冠軍!希望近來嘅負面新聞無影響到佢啦!
最佳男新人 金獎:MC張天賦 得分 - 262.00


表演環節:

除左以上三位男新人,其實今年仲有其他男新人表現都好出色架,雖然未能獲獎,但每位榜分都超過100分!呢個時候交俾佢地表演!
表演環節

You made my day – ANSONBEAN

One More Game – 張進翹

Leave The World Behind – 陳天翱


最佳組合獎:

銅獎得主嘅佢地其中一位成員因早前手指出現骨枯,希望一年後復原再見大家,可惜情況沒好轉,最近樂隊宣布轉型為Pop/Rap Band。非常欣賞佢地無因困難而放棄,反而作出不同嘗試,積極嘅態度值得大家敬佩!希望佢地Pop/Rap Band呢條路會成功啦!
最佳組合 銅獎:ONE PROMISE 得分 - 103.00

銀獎:佢地嘅曲風好吸引,亦積極搵唔同歌手合作,值得更多人留意。唔知今年會唔會有新題材,令佢地唔只紅歌仲會紅人呢?
最佳組合 銀獎:Zpecial 得分 - 110.00

金獎:感謝呢隊保衛隊重新集合,無懼為香港人道出心聲。今年終於由你地奪得金獎!
最佳組合 金獎:C AllStar 得分 - 154.00


最佳女歌手獎:

銅獎得主:好開心佢搵到屬於自己嘅風格,呢兩年不斷製作高質素作品,而其中一首歌更令佢相隔15年再次踏上頒獎台,佢上台嗰下真係好替佢感動。嗰首歌我都好鍾意,雖然本榜榜分係第十一位僅僅未能獲得年度歌曲獎,但都幫到佢攞到呢個女歌手銅獎!新一年開始無耐已經再有高質作品派台,繼續加油!你值得更紅!
最佳女歌手 銅獎:泳兒 得分 - 132.00

銀獎:佢絕對係令香港人驕傲嘅香港女歌手!
最佳女歌手 銀獎:鄭欣宜 得分 - 160.00

金獎:2021年8月我一共入左四次海洋公園,其中一次係我第一次入主題公園聽演唱會,就係聽呢位歌手嘅演唱會,演唱會佢狀態大勇,氣氛亦比想像中好!雖然佢出道時間唔長,但風格鮮明,歌曲引人入勝,成功登上女金寶座。
最佳女歌手 金獎:黃妍 得分 - 240.00


最佳男歌手銅獎及最佳唱片獎:

今年三位男歌手榜分好接近,鬥得非常刺激!銅獎又係一個紀錄,首次有新人奪得年度最佳歌手獎!佢更加喺最後一個月時曾經上埋第二位,甚至逼近第一位,不過另外兩位歌手都不甘示弱年尾繼續派歌追返上黎。不過唔緊要,新人有咁既成績已經相當出色!請MC留步…因為仲有個獎等緊你!
最佳男歌手 銅獎:MC張天賦 得分 - 262.00

MC以新人姿態出到一張奪得最佳唱片獎嘅碟,真係好犀利!
最佳唱片: 《Have A Good Time》 - MC 張天賦 得分 - 262.00


最佳男歌手銀獎、第二最佳唱片獎及最佳唱作人獎:

男歌手銀獎,同時奪得第二最佳唱片獎,亦係全年最佳唱作人,邊個咁犀利一次過拎三個獎?就係擁有獨特聲線,才華洋溢,幫過好多歌手作曲嘅佢!欣賞呢位歌手謙虛嘅態度,每次都話自己仲有好多要改善嘅地方,抵佢咁受歡迎啊!希望新一年佢對自己做男歌手會有多啲自信啦!

最佳男歌手 銀獎:林家謙 得分 - 267.00

第二最佳唱片: 《seven》 - 林家謙 得分 - 243.00

最佳唱作人獎:林家謙 得分 - 243.00


最佳男歌手金獎:

黎到最後嘅男歌手金獎:呢位歌手我由佢參加大台歌唱比賽時已經留意佢,但一直欠佢獎欠左好耐喇。2013年佢其中一首歌,我事後先至後悔冇俾十大佢。2014至2016年都有好歌,但都仲係無獎。去到2019年佢轉公司後嘅第一首歌我已經好鍾意,諗住年尾俾十大佢,可惜冠左呢首歌之後,就因為各種原因停左報榜一年幾,正正miss左佢嘅輝煌時期。好彩2021年佢繼續非常勤力,我終於可以俾到呢個男歌手金獎佢喇!!佢都係一位值得更多人留意嘅歌手。期待左好耐佢開個人演唱會,希望第五波疫情快啲完結,佢可以順利開到演唱會,而我又買到飛啦!

最佳男歌手 金獎:馮允謙 得分 - 277.00

 


我最喜愛獎項:

所有根據榜分嘅年度獎項已經全部頒發,跟住落黎就係最緊張嘅時刻,就係揭曉7個我最喜愛獎項! 喺頒獎之前,我想喺度多謝每一位投過票支持你地偶像嘅樂迷。以往曾經有3屆頒獎禮我都試過搞我最喜愛獎項投票,3次嘅投票人數都係得兩位數字,仲每況愈下,所以去到2016至2018年更加放棄左。今年見到多返人留意香港樂壇,就試下搞多次,估唔到反應空前熱烈,收到6000幾人投票,中途更因為人數超出預期而要轉換投票平台。我知道今次投票搞得較倉卒,有好多要改善嘅地方,希望大家多多包涵,下年我會籌備得更加充足!好喇我講完廢話,立即睇下我最喜愛的歌手最後五強名單 (按歌手編號排序): 組合:01 C AllStar 02 Dear Jane 04 MIRROR 06 ONE PROMISE 09 RubberBand 女歌手:01 AGA 11 岑寧兒 21 陳凱詠 29 鄭秀文 30 鄭欣宜 男歌手:07 江𤒹生 10 呂爵安 18 姜濤 29 陳卓賢 39 盧瀚霆


我最喜愛的組合:
我最喜愛的組合:MIRROR 得票 - 5424 (86.2%)

最後五強其他單位票數:
01 C AllStar 336 (5.3%)
02 Dear Jane 162 (2.6%)
09 RubberBand 109 (1.7%)
06 ONE PROMISE 73 (1.2%)

我最喜愛的女歌手:
我最喜愛的女歌手:鄭欣宜 得票 - 3113 (49.5%)

最後五強其他單位票數:
01 AGA 824 (13.1%)
11 岑寧兒 505 (8.0%)
21 陳凱詠 335 (5.3%)
29 鄭秀文 245 (3.9%)

我最喜愛的男歌手:
我最喜愛的男歌手:姜濤 得票 - 2065 (32.8%)

最後五強其他單位票數:
29 陳卓賢 1314 (20.9%)
39 盧瀚霆 918 (14.6%)
07 江𤒹生 696 (11.1%)
10 呂爵安 621 (9.9%)


我最喜愛的合唱歌曲:

其他候選歌曲票數:
01 ONE PROMISE、柳應廷 - 明年見 (Duet Version) 1285 (20.4%)
02 呂爵安、邱鋒澤 - 一表人才 1166 (18.5%)
04 林家謙、陳凱詠 - 隔離 (Studio Live Duet) 1020 (16.2%)
05 胡鴻鈞、炎明熹 - 愛是帶種缺陷的美 42 (0.7%)
06 張敬軒、黎明 - Old Fashioned 896 (14.2%)

我最喜愛的合唱歌曲:突如其來的心跳感覺 - 呂爵安、盧瀚霆 得票 - 1885 (29.9%)


壓軸係我最喜愛的歌曲金、銀、銅獎!直接頒獎啦!

我最喜愛的歌曲:

其他最後十強歌曲票數:(得票率以該歌曲得票除以總投票人數計算)
64 陳卓賢 - 搞不懂 1929 (30.6%)
46 姜濤 - 愛情簽證申請 1840 (29.2%)
28 呂爵安 - E先生 連環不幸事件 1590 (25.3%)
25 江𤒹生 - 黑之呼吸 1573 (25.0%)
62 陳卓賢 - 背伴 1491 (23.7%)
92 盧瀚霆 – Megahit 1476 (23.5%)
91 盧瀚霆 - 不可愛教主 1250 (19.9%)

我最喜愛的歌曲 銅獎:DWBF – 陳卓賢 得票 - 2023 (32.1%)

我最喜愛的歌曲 銀獎:Dear My Friend, - 姜濤 得票 - 2934 (46.6%)

我最喜愛的歌曲 金獎:WARRIOR - MIRROR 得票 - 3055 (48.5%)


2021年度HKSONG流行榜頒獎典禮所有獎項已完成頒發,典禮圓滿結束。多謝各位支持! 2022年度HKSONG流行榜頒獎典禮再見!

得獎名單總結及統計:

得獎名單
歌手名字 年度金曲獎
(數字=名次)
最佳唱作人獎 最佳大碟獎
(數字=名次)
最佳新人獎
(男: 金/銀/銅 / 女 / 組合)
最佳歌手獎
(男/女/組合,
金/銀/銅)
滄海遺珠歌曲獎 我最喜愛獎項
(歌曲/合唱歌曲/男/女/組合)
合共得獎數量
MC張天賦 2   1 男, 金 男, 銅     4
林家謙 6 V 2   男, 銀     4
姜濤 3           歌曲, 銀
3
鄭欣宜 9       女, 銀   3
呂爵安 1     男, 銀     合唱歌曲 (0.5) 2.5
MIRROR             歌曲, 金
組合
2
曾比特 4     男, 銅       2
黃妍 5       女, 金     2
C AllStar 7       組合, 金     2
馮允謙 8       男, 金     2
陳卓賢             歌曲, 銅 1
衛蘭 10             1
Zpecial         組合, 銀     1
泳兒         女, 銅     1
ONE PROMISE         組合, 銅     1
姚焯菲             1
P1X3L       組合       1
岑寧兒           V   1
林欣彤           V   1
盧瀚霆             合唱歌曲 (0.5) 0.5
周國賢           V (0.5)   0.5
ToNick           V (0.5)   0.5
  37


HKSONG流行榜 - 隨心感覺.精選音樂

最近更新: Wednesday, 09-Feb-2022 2:52

Version 4.0 (7/2018) · Copyright © 2008- · All Rights Reserved

From 21/12/2008